ერთად ვებრძოლოთ აზიურ ფაროსანას

გამოქვეყნებულია ხუთშაბათი, 14 სექტემბერი 2017 16:50

დღეს ლანჩხუთში რეგიონული მართვის დეპარტამენტის გურიის რეგიონული სამმართველოს უფროსი ნინო შეწირული ლანჩხუთის 16-ვე ადმინისტრაციულ ერთეულში გამგებლის წარმომადგენლებსა და გამგებლის მოადგილე, ნუგზარ ცინცაძეს შეხვდა. შეხვედრის მიზანი აზიური ფაროსანას წინააღმდეგ ბრძოლის გაფართოება იყო.
"ჩვენ წარმატებით გავიარეთ პირველი ეტაპი და რაკი არის მოსახლეობის მოთხოვნა, ამიტომ პროცესში ჩავრთეთ ავიაცია, რომელიც უკვე წამლავს სამეგრელოს ფართობებს", განაცხადა ქალბატონმა ნინომ.
მისივე თქმით, საავიაციო შეწამვლა მავნებლის წინააღმდეგ მხოლოდ საყანე ფართობებში ჩატარდება.
შეგახსენებთ, რომ გურიაში აზიურმა ფაროსანმა თხილისა და სიმინდის მოსავალი მნიშვნელოვნად შეამცირა.

ლანჩხუთის მუნიციპალიტეტის გამგეობა-(ი)ს ფოტო.