- დეტალები
-
გამოქვეყნებულია პარასკევი, 18 მაისი 2012 20:52
გაზეთ „ჰო და არას“ 57–ე ნომერში (2012 წ. 16.05) გამოქვეყნდა შოთა ფირცხალაიშვილის წერილი „კაცს მხოლოდ ტყვია არა, კაცს სირცხვილიც კლავს“, რომელშიც ავტორი ლანჩხუთის მუნიციპალიტეტის ადგილობრივ ხელისუფლებას საქართველოს მთლიანობისათვის ბრძოლაში დაღუპული მეომრების ოჯახების უყურადღებობაში ადანაშაულებს.
წერილის ავტორს საჯარო ინფორმაციის მიღების სურვილი რომ გასჩენოდა, მისთვის ცნობილი გახდებოდა, რომ ლანჩხუთის მუნიციპალიტეტის ადგილობრივი ხელისუფლება უკვე მეოთხე წელია, რაც სამშობლოს ერთიანობისათვის დაღუპული მეომრების ოჯახებს (ასეთი კი ჩვენს მუნიციპალიტეტში 35 ოჯახია) ყოველთვიურად 50 ლარით ეხმარება.
ამას გარდა, ავტორს შეუძლია ნახოს მუნიციპალიტეტის ოფიციალური ვებ.გვერდი: lanchkhuti.org.ge, სადაც სიახლეებთან ერთად ქვეყნდება საკრებულოს მიერ მიღებული განკარგულებები და დადგენილებები. მათ შორისაა 2011 წლის 16 დეკემბრის №91 განკარგულება, რომლის თანახმად, მუნიციპალიტეტში მოქმედებს 18 სოციალური პროგრამა, რომელთაგან ერთ–ერთი სწორედ საქართველოს მთლიანობისათვის ბრძოლებში გარდაცვლილი მეომრების ოჯახების დახმარებაა. ამ პროგრამის განსახორციელებლად 2012 წლის ადგილობრივ ბიუჯეტში 27 400 ლარია გათვალისწინებული.
პროგრამის თანახმად, მსგავსი კატეგორიის ოჯახები გარდა ზემოხსენებული ყოველთვიური დახმარებისა, ერთჯერადად, გიორგობის დღესასწაულზე (23 ნოემბერს) 200–200 ლარიან დახმარებას მიიღებენ.
ასე რომ, წერილის ავტორის ბრალდება, თითქოს მუნიციპალიტეტის საკრებულოს თავმჯდომარემ უარი თქვა, 200 ლარით დახმარებოდა ომში დაღუპული ბიჭების ოჯახებს და ამ მიზნით ბიუჯეტში თანხა ვერ გამოიყო, რბილად რომ ვთქვათ, სრული სიცრუეა.
- დეტალები
-
გამოქვეყნებულია ორშაბათი, 14 მაისი 2012 16:20
საგაზაფხულო სამუშაოები შარშანდელთან განსხვავებით ლანჩხუთის მუნიციპალიტეტში უკვე აქტიურად მიმდინარეობს.
როგორც ამხანაგობა „პირამიდას“ თავმჯდომარემ, ზვიად ლომაძემ განაცხადა, ამ დროისთვის სუფსაში დახნულია 100 ჰა ფართობი, ხოლო დათესილია – 30 ჰა:
– უნდა აღინიშნოს, რომ შარშან მიწის დახვნა მხოლოდ მაის-ივნისში გახდა შესაძლებელი, ხოლო ყანების დათესვა 22 ივლისს დასრულდა. ასეთ პირობებში მოსავალიც შესაბამისი იყო. წელს ადრიანად დავიწყეთ მზადება, ამა ხელი შეუწყო ადგილობროვი ხელისუფლებისგან თანადგომამ და დახმარებამ.
ვრცლად: საგაზაფხულო სამუშაოები აქტიურად მიმდინარეობს
- დეტალები
-
გამოქვეყნებულია ორშაბათი, 14 მაისი 2012 16:18
12 მაისს ინტელექტის დღესთან დაკავშირებით, პირველად მთელი ქვეყნის მასშტაბით ზუსტად 12 საათზე დაიწყო ინტელექტუალური თამაშები: რა? სად? როდის? ღონისძიების ორგანიზატორები იყვნენ საქართველოს სპორტისა და ახალგაზრდობის საქმეთა სამინისტრო, საქართველოს კლუბი „რა? სად? როდის?“, განათლებისა და მეცნიერების სამინისტრო და ადგილობრივი თვითმმართველობების შესაბამისი სამსახურები.
ვრცლად: ჯურუყვეთის №1 საჯარო სკოლის გუნდი ინტელექტუალურ თამაშებში მუნიციპალიტეტის ღირსებას დაიცავს
- დეტალები
-
გამოქვეყნებულია პარასკევი, 11 მაისი 2012 17:43
ევროპის საინვესტიციო ბანკი სამტრედია-გრიგოლეთი-ჩოლოქის საერთაშორისო მნიშვნელობის გზის მშენებლობისათვის საქართველოს დაფინანსებას გამოუყოფს. 11 მაისს გრიგოლეთში სასტუმრო „ანდამატში“ საგრანტო ხელშეკრულებას ხელი მოაწერეს საქართველოს რეგიონული განვითარებისა და ინფრასტრუქტურის მინისტრმა, რამაზ ნიკოლაიშვილმა და ევროკავშირის ელჩმა, ფილიპ დიმიტროვმა, ხოლო სასესხო ხელშეკრულებას – ფინანსთა მინისტრმა დიმიტრი გვინდაძემ და ევროპის საინვესტიციო ბანკის ვიცე-პრეზიდენტმა ვილჰელმ მოლტერერმა.
ვრცლად: ავტობანის მშენებლობა იწყება
